သန်လျှင်သား(နည်းပညာ): မောင်စိန်ဝင်း (ပုတီးကုန်း) ၏ ကဗျာ များ

၇တနာ ကဗျာများ

(၁)

အမေ့ခက်သည်၊ နေ့ရက်များစွာ
ရတနာ …

မျှော်လင့်ကြည်နူး၊ စိတ်ကူးများစွာ
ရတနာ …

တပ်မက်နှောင်ရစ်၊ ချစ်ခြင်းများစွာ
ရတနာ …

ပျော်ဖူးသည့်ရက်၊ အိပ်မက်များစွာ
ရတနာ …

ဝမ်းနည်းကြေကွဲ၊ ခွဲခွာဆို့နင့်၊
နွေနှင်းပွင့်လို၊ နေမြင့်လျှင်ပြေး၊
ဟိုးဝေးဝေးမှာ၊ မှုန်မှေးပြက်ပျယ်၊
ချန်ထားရက်လျှင် …

တစ်သက်နှောင်ရစ်ဖွဲ့၊ လက်ဆောင်အဖြစ်နဲ့
အချစ်ရဲ့ရုပ်ကြွင်း၊ “လွမ်းချင်း” ကဗျာ
ရတနာလေ …
ရင်မှာထာဝရကျန်လိမ့်မည်။ ။

(၂)

ရှိစေချင်သည် …
နားလည်မည့်သူ၊ အပူကိုမျှ၊
ဖေးမ အားဖြည့်၊ ကြင်နာကြည့်များ၊
စကားချိုမြွက်၊ ယုယရက်ရှည်၊
ချမ်းမြေ့ကြည်နူး၊ နေဖူးချင်သည် …. ။

သူကမေ့လျှင်၊ ညှိုးသွေ့ရော်ရွက်၊
အလက်မဝေ၊ ခက်မဝေတည့်၊
နွေနေထိပန်း၊ ကြွေမည့်ပန်းပါ၊
တမ်းတ ဝမ်းနည်း၊ မနာကြည်းဝံ့၊
အထီးကျန်ဆွေး၊ ဟိုရှေးရှေးလို၊
ဝေးဝေးကသာ လွမ်းပါမည် …. ။

သူနှင်မည့်နေ့၊ တနေ့နေ့ကို၊
ရွေ့ရွေ့ဖြတ်သန်း၊ လမ်းအဆုံးတည့်၊
မသိမဟုတ်၊ ထိန်းချုပ်ကင်းမဲ့၊
လျှောက်ခဲ့ပြီလား၊ စကားပြောဖော်၊
ခံစားဖော်ဖြစ်၊ သူစိတ်ညစ်မလား၊
ဖြစ်ခဲ့သည့်ဝန်၊ ကိုယ်အလွန်ချည်း၊
နစ်ကျွံလင့်မျှော်၊ နားလည်သော်မှ၊
အဖော်တသက်၊ မခေါ်ရက်ပါ၊
ပျော်လျက်ပျော်ရာ နေပါစေ … ။

သံယောဇဉ်များ၊
စကားအကြည့်၊ တွယ်ငြိထပ်ထပ်၊
ဖြေလျှောဖြတ်ခက်၊ လပ်ဟာမွတ်သိပ်၊
တမ်းတစိတ်ဖြင့်၊ ပျော်ရိပ်ပျော်ဟန်၊
မပြန်ချင်မိ၊ ရှိစေချင်သည် … ။

နားလည်မည့်သူ၊ အတူတကွ၊
အပူမျှလျက်၊ ယုယရက်ရှည်၊
ချမ်းမြေ့ကြည်နူး၊ နေဖူးလိုက်ချင်၊
စိတ်ကူးယဉ်သည် … ။

(၃)

မမေ့တတ်ဟု၊ ယုံမှတ်ပြန်သည်၊
မှောင်ရီမိုးသည်း၊ မလာလဲလေ၊
လာနေမလား၊ ထသွားပြန်ခက်၊
လာလျက်နဲ့များ၊ လွဲသွားမည်စိုး၊
မိုးချုပ်တော့မည် … ။

ခရေလမ်းကို၊ လှမ်းငေးမျှော်မော၊
မြင်ရသောသူ၊ ဪသာ် .. သူမဟုတ်၊
အလုပ်သွားပြန်၊ တရံတဆစ်၊
ချစ်သူတွေလား၊ မိုးကြားလေထဲ၊
နှစ်ယောက်တွဲပျော်၊ အဖော်နှင့်လေ၊
ခရေတန်းအောက်၊ သူလာလျှင် တယောက်တည်း၊
မလာရဲလို့လားကွယ် … ။

လေတချက်ဝေ့၊ မိုးစက်ထိမှန်၊
ပြန်မှဖြစ်မည်၊ မိုးချုပ်ပြီကွယ်၊
တကယ်ဆိုလျှင်၊ အမျှင်မပြတ်၊
မတ်တတ်စောင့်ဆဲ၊ မိုးပိုသည်းပြန်၊
တရံတခါ၊ လာမည်ဆက်ဆက်၊
မိုးစက်ကြားမှာ၊ ကြားယောင်လာ၏၊
သတိတော့ရမှာပါ … ။

မတွေ့ခြင်းဖြင့်၊ တွေ့ခြင်းများစွာ၊
မလာခြင်းဖြင့်၊ မျှော်လင့်ရင်မော၊
သောကဟု မဆိုသာ …
ဗျာပါဟု မဆိုချင် …
သံယောဇဉ် တခုခုဖြင့် …
ဘယ်သူ့ဘယ်သူ၊ ခွန်းကျူချိုသာ၊
မမှာမကြား၊ ချိန်းမထားပေမင့်၊
စကားများစွာ ပြောချင်သည် …။

(၄)

ပန်းကလေးတောင်မှ၊
နမ်းလို့ မမွှေးရဘူးကွယ် …
ခေါင်းအုံးမှာ ပါးကိုအပ်
မအိပ်တတ်ပါနဲ့ အချစ်ရယ် …

နေထိုးတဲ့အခါ နေပြောက်ကလေးတွေ
ရေချိုးတဲ့အခါ ရေပေါက်ကလေးတွေ
အသားကို ထိနေတာတောင်မှ
စိတ်ထဲမှာ ဘဝင်မကျချင်ဘူး
လရောင်ကိုလည်း(လဲ) မနာလို
လေပြည်ကိုလဲ မကျေနပ်နဲ့
ချစ်တတ်လွန်းလို့ သဝန်တိုတာ
အချစ် ကိုယ့်ကို နားလည်ပါကွယ် …။

ဘယ်တော့ပဲဖြစ်ဖြစ်
ဘယ်တော့မှ မမေ့ချင်ဘူး
ဘယ်နေ့မှ မခွဲချင်ဘူး
စိတ်ကူးနှင့်တောင် မဝေးရဲ
အိပ်မက်ထဲတောင် အူတိုတတ်ပါရဲ့
အမှတ်တရကွယ် ခြေရာအသစ်တွေနဲ့
ကိုယ့်အချစ်ကလေ ..
ဖြတ်မရတဲ့ ဝေဒနာချစ်။ ။

(၅)

တသက်တာ၌
နှစ်ခါတောင်းပန်၊ မတောင်းခံပါ၊
တခါနှင့်မရလျှင်၊ ဘာမှ မယူချင်ခဲ့သူပါ …

တစ်စုံတရာကို၊ နှစ်ခါမလုပ်၊
တစ်ခါလုပ်ရုံ၊ ပြီးပြည့်စုံမှ
အားရကျေနပ်၊ နေတတ်ခဲ့သူပါ …

တစ်ညတည်းမှာ၊ နှစ်ခါမအိပ်၊
သိပ်သတိရ၊ ညညတွေမျိုး၊
တစ်ရေးနိုးလျှင်၊ မိုးလင်းအထိ
ဆက်ထိုင်မိတတ်သူပါ …

တစ်ငုံတစ်ဖူး၊ တစ်ပွင့်ခူး၍
ပန်းဦးအိပ်မက်၊ တစ်သက်တစ်ခါ
တစ်မျက်နှာတည်း
နှစ်မျက်နှာလည်း မတမ်းတတတ်သူပါ …

ဒါပေမယ့်ကွယ်
ဘယ်တော့ဖြစ်ဖြစ်
အချစ်ကို တွေ့နေဖို့
အချစ် ကိုယ့်ကို မမေ့စေဖို့
အောက်ကျို့တောင်းပန်၊ အဖန်ဖန် အထပ်ထပ်
တစ်ရံမလပ်ပါ၊ နှစ်ခါမက
တဖွဖွနှင့်၊ မာနမဲ့တတ်သူပါကွယ်။ ။

(၇)

တစ်သက်တာ ထာဝရ၊
တစ်မျက်နှာသာ တစ်ဘဝလို့ထင်ပါတယ် … ။

သူမေ့စေတော့ရယ်လို့၊
မတွေ့အောင် တမင်ထိန်း၊
ခပ်စိမ်းစိမ်း နေပါမယ် … ။

တစ်နေ့တစ်ရက်တောင်မှ၊
အတွေ့ခက်လျှင် ဘယ်လိုမျှော်လို့၊
ဘယ်လိုနော် ရင်မှာရှိလေမလဲ၊
သူသိမယ်ထင် ထင်ရဲ့၊
ခင်ခင်ရယ် သည်ရင်ကျွမ်းပြီပေါ့၊
အလွမ်းဆုံး နေ့တွေရယ်၊
မေ့နေမယ်လို့ ထင်သလား … ။

အနေဝေးပေမယ့်၊
အတွေးမှာ နှစ်ကိုယ်ဆုံရဲ့၊
ဘယ်လိုပုံ ဘယ်လိုလွမ်းတယ်ကွယ့်ရယ်လို့၊
ဖွဲ့နွဲ့ကာ သောကဇာတ်ကိုလည်း၊
ပြောပြတတ်လျှင် သူငိုချင်မလား၊
ငြိုငြင်လျှင် ကိုယ့်အပြစ်ပါပဲ၊
သိပ်ချစ်သူ သူစိမ်းရုပ်နဲ့၊
ထိမ်းချုပ်စေသား။ ။

(၈)

ပန်းတို့၏ဝတ်ရည်များ
ပျားရည်ဖြစ်သည် …

ကမာကောင်တို့၏ အသဲ (အသည်း)
ပုလဲ ဖြစ်လိမ့်မည် ….

တမ်းတခြင်း အိပ်မက်သည်
လွမ်းရာသီ ရှည်လျား။

သူ့ကိုတွေ့တဲ့ရက်
သူ့ကိုမမေ့တဲ့ရက်
သောကရဲ့လက်ဆောင်တွေ
ဝေဒနာလို ရင်မှာကျွမ်း
အလွမ်းဖြစ်သွား။ ။

(၁၀)

တိမ်နှင့် လိုက်၍၊ တိမ်တိုက်ကြားမှာ
ပျော်ဖူးပါရဲ့၊ သူနှင့်အတူ။

လရောင်ဒန်းစီး၊ တေးချင်းညည်းဆို
ခရီးတစ်ထောက်၊ လျှောက်ဖူးပါရဲ့
သူနှင့်အတူ။

တွယ်မက်ဆွတ်ပျံ့၊ ပန်းရနံ့ထဲ
တွဲဖက်ကြည်နူး၊ နေပျော်ဖူးရဲ့
သူနှင့်အတူ။

နိုးနေသည်ဟု
မှောင်ရီညနက်၊ အိမ်မက်မက်ဆဲ
အိမ်မက်ပဲကွယ်၊ တကယ်ဆိုက
အိပ်မောကျသူ
ဘဝမနက်၊ နေအထွက်မှာ
ခွဲခွာချန်ရက်၊ ထားခဲ့ရက်မည်
သိလျှက်မေ့မှာစိုးပါသည်။

(၁၂)

ခွဲရက်ခွာစွန့်၊ ဝေးသွားဝံ့မှ
အပူစတွေ၊ သူမျှ ဝေလို့
ခြွေနှင်းတစ်စက် ၊ ကြွေဆင်းသက်အောင်
မျက်တောင်ဖျားဆွတ်၊ သီဝေ့ညွှတ်ခို
စိုရင်းစီးနေ
ဪသာ် ……. ငိုချင်းလည်း မရှည်တော့ပါဘူးကွယ်။

သူခင်းတဲ့လမ်း၊ သူနင်းမည့်ငြမ်း
ချမ်းမြေ့ဝမ်းမြောက်၊ လှမ်းလျှောက်ပါစေ
သူငဲ့နေလျှင်၊ ဖြေပြေရာခက်
ဝေဒနာသက်ရင့်၊ လက်ဆင့်ကမ်းသလို
ငို …….. ငို ……… ငိုမှာစိုး
ဪသာ် …….. ကိုယ် ……….. ကိုယ်သာ အဆိုးဖြစ်စေတော့။

ရင်နာစရာလဲ၊ မင်္ဂလာပါပဲကွယ်လို့
ရယ်ရင်းနှုတ်ဆက်၊ မေ့နိုင်ရက်စေ
မေ့ပါစေကွယ်၊ လွယ်လွယ်ခံစား
ချန်ထားပါစေ၊ ကံတရားလို့သာ ဖြေလျက်နဲ့ …….

မခြွေရက်တဲ့ပန်း၊ အကြွေခက်တဲ့ပန်း
အမြဲလန်းနေ၊ အလွမ်းတစ်ခု
ရင်ထဲနုမျစ်၊ ဖြစ်ပြီးမပျက်
သစ်ပြီးသထက်သစ်၊ နှစ်ရှည်လကြာ
ကာလတာရှည်မျော
ပြောမပြသာပြီ
အချစ်ရယ် …. ရင်ထဲမှာတော့ သောကရာသီ။ ။

ကဗျာများဖတ်နိုင် ဖို့ကြိုးစားပြီးလိုက်ရှာတင်ဆက်ပေးနေပါတယ်မိတ်ဆွေများအနေနဲ့

fb လေး like လေးလုပ်ပေးခြင်းဖြင့်အားပေးပါရန်တောင်းဆိုလိုက်ပါရစေ